07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Էրդողանը Նեթանյահուին «վամպիր» է անվանել
Քաղաքականություն
29.05.2024 | 22:29
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ոչ մի պետություն, այդ թվում՝ Թուրքիան, չի կարող ապահով լինել, քանի դեռ Իսրայելը «չի ենթարկվել միջազգային իրավունքին և իրեն պարտավորված չի համարել միջազգային իրավունքով»։ Այս մասին հայտարարել է Թուրքիայի նախագահ Ռեջեփ Թայիփ Էրդողանը իշխող «Արդարություն և զարգացում» կուսակցության խորհրդարանական խմբակցության նիստում ելույթի ժամանակ, գրում են թուրքական լրատվամիջոցները։
Ըստ նրա՝ միջազգային հանրությունը, առաջին հերթին՝ արևմտյան երկրները՝ ԱՄՆ-ի գլխավորությամբ, անտեսում են «Իսրայելի հանցագործությունները» Գազայի հատվածի խաղաղ բնակչության դեմ։ Էրդողանն իր ելույթում Իսրայելի վարչապետ Բենիամին Նեթանյահուին անվանել է «վամպիր»։
«Ոչ մի հավատ չի արդարացնում վրաններում անմեղ քաղաքացիներին այրելը։ Աշխարհը ուղիղ եթերում հետևում է Նեթանյահու անունով վամպիրի բարբարոսությանը։ Խաղաղ պաղեստինցիների արյունը նաև Միացյալ Նահանգների, Եվրոպայի պետությունների և կառավարությունների ղեկավարների ձեռքերին է, որոնք իրենց լռությամբ դարձել են Իսրայելի «վամպիրիզմի» գործընկերները»,-ասել է Էրդողանը՝ Նեթանյահուին բնութագրելով որպես «արյունով սնվող հիվանդ, մոլագար և վամպիր»։
Նշենք, որ ավելի վաղ Էրդողանը Նեթանյահուին անվանել էր «Գազայի դահիճ», ինչպես նաև համեմատել Ադոլֆ Հիտլերի հետ։
