14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Աբովյանում նռնակով զինված տղամարդը մտել է «Արդշինբանկ» և սպառնացել պայթեցնել
Հասարակություն
24.05.2024 | 19:28
Այսօր արտակարգ դեպք է տեղի ունեցել Աբովյան քաղաքում։ Նռնակով զինված տղամարդը Աբովյան քաղաքում մտել է Օգոստոսի 23 փողոցի 1/ 2 հասցեում գործող «Արդշինբանկ» և սպառնացել պայթեցնել բանկը։
Ներքին գործերի նախարարության մամուլի քարտուղար Նարեկ Սարգսյանը Factor.am-ին փոխանցեց, որ բանկ մտած տղամարդը ձերբակալվել է և տեղափոխվել ոստիկանության բաժին, ավելի ուշ նախարարությունը հաղորդագրություն է տարածել՝ նշելով, որ տվյալ անձը ձերբակալվել է։
«Մայիսի 24-ին՝ ժամը 17․20-ի սահմաններում, ՆԳՆ ոստիկանություն ահազանգ է ստացվել, որ մի անձ նռնակով մտել է Աբովյան քաղաքի Հատիս փողոցի բանկերից մեկը։
Անմիջապես դեպքի վայր են ժամանել ՆԳՆ ոստիկանության տարբեր ստորաբաժանումներից օպերատիվ խմբեր։
Նշված վայրում նռնակով զինված տղամարդը սպառնացել է պայթեցնել բանկը։ Ոստիկանության ծառայողների բանակցությունների արդյունքում տղամարդը հանձնել է Ֆ-1 տիպի նռնակը, ձերբակալվել ու տեղափոխվել ոստիկանության Կոտայքի բաժին։
1974 թվականին ծնված Բյուրեղավանի բնակիչն ու կազմված փաստաթղթերը ներկայացվել են նախաքննական մարմին։
Հանգամանքները պարզվում են»,- ասված է ՆԳՆ-ի տարածած հաղորդագրության մեջ։
