30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՊՀ գլխավոր քարտուղարը հայտարարել է «գլոբալ հակամարտության սպառնալիքի մասին»
Քաղաքականություն
24.05.2024 | 17:02
Աշխարհը կրկին կանգնած է գլոբալ հակամարտության վտանգի առջև, հայտարարել է ԱՊՀ գլխավոր քարտուղար Սերգեյ Լեբեդեւը, փոխանցում է ՌԻԱ Նովոստին։
«Դրա ազդարարները ոչ միայն աշխարհաքաղաքական առճակատման էպիկենտրոնն են Ուկրաինայում, այլև պայթյունավտանգ իրավիճակը Մերձավոր Արևելքում, նեոնացիստական գաղափարախոսության և այլատյացության տրամադրությունների տարածումը և միջազգային ահաբեկչական կազմակերպությունների ակտիվացումն այս ֆոնին»,- ասված է Լեբեդևի՝ Համագործակցության անվտանգության խորհուրդների ղեկավարների խորհրդի 54-րդ նիստի մասնակիցներին ուղղված իր ուղերձում։
Գլխավոր քարտուղարի խոսքով՝ մերձմոսկովյան «Կրոկուս սիթի հոլլում» տեղի ունեցած ահաբեկչությունը հերթական մարտահրավերն է դարձել ԱՊՀ-ում ինտեգրացիոն գործընթացների համար։
«Անկեղծ ասած, այս իրադարձությունը, բացի անվտանգության խնդիրներից, մեզ համար բարդ մարտահրավերներ է ստեղծում հումանիտար, սոցիալական և աշխատանքային ոլորտներում։ Այստեղ մենք չենք կարող չնշել մեր երկրներում բնակչության որոշակի կատեգորիաների արմատականացման խնդիրը»,- ասել է Լեբեդևը՝ նշելով, որ ներկայում ԱՊՀ-ում ակտիվ աշխատանք է տարվում ահաբեկչական կազմակերպությունների շարքերը համալրելուն հակված անհատներին արմատականացնելու ուղղությամբ։
