Ինովացիոն լուծումներ, եվրոպական սերտիֆիկացում. ներկայացվել է «Իննոթեկ» նոր ապրանքանիշը. ՏԵՍԱՆՅՈՒԹ

Շուրջ 18 տարի Հայաստանում գործունեություն ծավալող «Մեհրաբյան և Որդիներ» ընկերությունը ներկայանում է նոր ապրանքանիշով։ «Իննոթեկ»-ը սպառողներին առաջարկում է մրցակցային, բարձրորակ արտադրանք, ժամանակակից պահանջներին համապատասխանող առաջատար լուծումներ և նորարարական թվային հնարավորություններ։ Ընկերությունը մասնագիտացած է բարձրորակ չոր շաղախների, սալիկի սոսինձների արտադրության և համաշխարհային ճանաչում ունեցող արտադրողների շինարարական գործիքների ներմուծման մեջ։ Ապրանքանիշի ներկայացմանը զուգահեռ տեղի ունեցավ նաև 25,000 քառակուսի մետր մակերեսով գործարանի բացումը։

«Իննոթեկ» ընկերության տեսլականի հիմքում ընկած է համոզմունքը, որ շինարարության ոլորտում լավագույն արդյունքի գրավականը բարձրորակ շինանյութն ու պրոֆեսիոնալ վարպետներն են։ Այդ պատճառով «Իննոթեկ»-ն իր վարպետներին ոչ միայն ապահովում է անհրաժեշտ գործիքներով և որակյալ շինանյութով, այլև մասնագիտական խորհրդատվությամբ և վերապատրաստումներով։

Որակի վերահսկման ժամանակակից տեխնոլոգիաները, լոգիստիկ ինովացիոն լուծումները հնարավորություն են տալիս շինարարին առավել արդյունավետ օգտագործել հումքը և խնայել ոչ միայն ժամանակ, այլև գումար։

«Իննոթեկ էկո» գործարանը հագեցած է արևային կայաններով, զտիչ սարքավորումներով, ջրի հավաքման և վերօգտագործման համակարգերով, թափոնների վերամշակման տեխնոլոգիաներով և արտադրանքի որակի վերահսկման ժամանակակից լաբորատոր սարքավորումներով։

«Մեհրաբյան և Որդիներ» ընկերության հետ սերտ համագործակցում է Ճարտարապետության և շինարարության Հայաստանի ազգային համալսարանը․ գործարանի բացմանը կնքված հուշագիրը բարձր մակարդակի գործակցության լավագույն դրսևորումն է։

«Իննոթեկ» ապրանքանիշի ստեղծման հիմքում միջազգային համագործակցություններն են՝ Գերմանիա, Լեհաստան, Բելառուս, Ռուսաստան, Վրաստան, Չինաստան, Արաբական Միացյալ Էմիրություններ, Իտալիա, Ավստրիա, Սլովենիա։

Մանրամասները՝ տեսանյութում։

Արփի Հակոբյան