14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ճշմարտությունը ցավալի է․ Բուիսոնը՝ Ադրբեջանի դեսպանին՝ Le Point-ում բռնապետ Ալիևի մասին հոդվածի առնչությամբ
Քաղաքականություն
23.05.2024 | 13:53
Ֆրանսիական «Le Figaro» պարբերականի փոխտնօրեն Ժան-Քրիստոֆ Բուիսոնը X-ում արված գրառմամբ անդրադարձել է Ֆրանսիայում Ադրբեջանի դեսպան, Ադրբեջանի ԱԳՆ նախկին խոսնակ Լեյլա Աբդուլաևայի գրառմանը։
«Le Point-ի վերջին հոդվածը մեզ չի զարմացնում։ Մենք միայն ցավում ենք, որ այս նոր խմբագրականը հակաադրբեջանական ու ծաղրանկարային դիրքորոշում է որդեգրել։ Ինչպե՞ս կարող է նման լուրջ թերթը դառնալ ամենաարմատական դիրքորոշումների խոսափողը»,- գրել է ադրբեջանցի դեսպանը, որին ի պատասխան Բուիսոնը գրել է․
«Ադրբեջանի տիկին դեսպանը գտնում է, որ ճշմարտությունը ցավալի է։ Բրավո Le Point»։
Նշենք, որ Le Point-ը «Ալիև․ բռնապետը, որը զայրացած է Ֆրանսիայի վրա» վերտառությամբ հոդված էր հրապարակել, որում ասվում է՝ Ադրբեջանի ավտոկրատը՝ Ալիևը, մեծացնում է Ֆրանսիան ապակայունացնելու գործողությունները Նոր Կալեդոնիայում և այլուր։
Հիշեցնենք, որ Ֆրանսիայի ԱԳ նախարարը հայտարարել էր Նոր Կալեդոնիայում անկարգություններին Բաքվի մասնակցության մասին։ «Դա ֆանտազիա չէ, իրականություն է։ Ես ցավում եմ, որ Կալեդոնիայի անկախության որոշ առաջնորդներ գործարքի են գնացել Ադրբեջանի հետ, դա անվիճելի է»,- ասել էր նախարարը։
Իսկ երեկ Ֆրանսիայի նախագահ Էմանուել Մակրոնը մեկնել էր Նոր Կալեդոնիա՝ անկախության կողմնակիցների բողոքի ակցիաների ֆոնին և ասել, որ իր այցի նպատակն է աջակցել ժողովրդին և վերականգնել նրանց հանգստությունը։
Նյութը թարգմանեց և պատրաստեց՝ Անահիտ Խաչատրյանը
