09.09.2026 | 18:44
Ըստ Զատուլինի՝ ՀՀ-ի հետ առևտրատնտեսական հարաբերություններում «մեղմացում չի լինի, քանի դեռ Նիկոլ Փաշինյանը իշխանության է»
Եվրամիությունն ու Մոլդովան անվտանգության ոլորտում գործընկերության համաձայնագիր են ստորագրել
Քաղաքականություն
21.05.2024 | 22:26
Եվրամիությունը և Մոլդովան ստորագրել են անվտանգության ոլորտում գործընկերության համաձայնագիր։ Այն ստորագրվել է Բրյուսելում՝ ԵՄ-Մոլդովա Ասոցացման խորհրդի շրջանակում՝ Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի և Մոլդովայի վարչապետ Դորին Ռեյսիանի կողմից։
Բորելի խոսքով՝ նման համաձայնագիրն իր տեսակի մեջ առաջինն է Եվրամիության համար։
«Մոլդովան առաջին երկիրն է, որը ստորագրել է ԵՄ-ի հետ պաշտպանության և անվտանգության գործընկերության համաձայնագիրը։ Այս գործընկերությունը կամրապնդի երկրի ճկունությունը և թույլ կտա մեզ համատեղ արձագանքել անվտանգության մեր ընդհանուր մարտահրավերներին, մեր գործողություններն ավելի արդյունավետ դարձնել և համագործակցություն սկսել նոր ոլորտներում»,- ասել է Բորելը։
Նա ընդգծել է, որ Մոլդովան, չնայած ներքին և արտաքին հակազդեցությանը, առաջ է ընթանում Եվրամիությանն ինտեգրվելու ճանապարհով։
Հիշեցնենք, որ Եվրամիությունն իր անդամ երկրների հետ միասին անվտանգության համաձայնագիր է պատրաստում Ուկրաինայի հետ՝ որպես G7-ի վիլնյուսյան հռչակագրի շարունակություն։
