Քաղաքականություն
21.05.2024 | 13:18Ընդդիմադիրները Վազգեն Մանուկյանին փոխարինել են Բագրատ Սրբազանով, ԱԺ-ում լրագրողների հետ ճեպազրույցում նման կարծիք հայտնեց խորհրդարանի խոսնակ Ալեն Սիմոնյանը։
«Նույն մարդիկ են, նույն օրակարգն է, նույն նպատակը, ինչո՞ւ պետք է մենք նոր էմոցիաներ ունենանք։ Անհնար է, որ որևէ իշխանություն, այդ թվում՝ նաև իրենք, հարյուր տոկոսանոց աջակցություն ունենան»,- ասաց ԱԺ նախագահը։
Ալեն Սիմոնյանը ընդդիմադիրների շարժման մեջ որևէ արտառոց բան չի տեսնում։
«Բոլոր երկրներում էլ պետք է լինի ընդդիմություն, առաջարկի իր օրակարգը, հանրության մի մասն էլ պետք է սատարի»,-հավելեց նա։
