30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԵՄ-ն պատրաստ է Ուկրաինայի հետ անդամակցության բանակցությունները սկսել հունիսին․ Politico
Քաղաքականություն
21.05.2024 | 15:12
ԵՄ ղեկավարությունը պնդում է կառույցին Ուկրաինայի անդամակցելու շուրջ պաշտոնական բանակցություններ սկսել արդեն հաջորդ ամիս։ Այս մասին հայտնում է Politico-ն՝ վկայակոչելով իր աղբյուրներին, գրում է BBC-ի ռուսական ծառայությունը:
Ըստ հրապարակման՝ ուկրաինացի ու եվրոպացի դիվանագետները կուլիսներում ակտիվորեն աշխատում են Հունգարիայի կառավարությանը համոզելու ուղղությամբ՝ համաձայնություն տալ Ուկրաինայի անդամակցության շուրջ բանակցությունների մեկնարկին։ Անանունության պայմանով հինգ դիվանագետներ հայտարարել են, որ նպատակն է՝ պաշտոնական բանակցությունները սկսել արդեն հունիսի 25-ին։
Լրատվամիջոցը նշում է, որ բանակցությունների մեկնարկը կուժեղացնի Ուկրաինայի ոգին, որն ավելի քան երկու տարի պայքարում է ռուսական լայնամասշտաբ ներխուժման դեմ և երկար ժամանակ է՝ ձգտում է անդամակցել ԵՄ-ին։
ԵՄ առաջնորդները դեկտեմբերին Ուկրաինայի նախագահ Վլադիմիր Զելենսկիին ասել են, որ ցանկանում են, որ Ուկրաինան և Մոլդովան միանան ԵՄ-ին, սակայն պաշտոնական իրավական գործընթացը դադարեցվել է Հունգարիայի դիրքորոշման պատճառով: Ըստ դիվանագետների՝ և՛ Բրյուսելը, և՛ Կիևը Բուդապեշտի հետ ինտենսիվ երկկողմ կապի մեջ են՝ Ուկրաինայում հունգարական փոքրամասնությունների խնդիրները լուծելու համար։
Ուկրաինայի նախագահի գրասենյակի ղեկավար Անդրեյ Երմակի և Հունգարիայի արտաքին գործերի նախարար Պետեր Սիարտոյի ապրիլյան բանակցություններից հետո «կողմերը նշել են երկխոսության դրական դինամիկան»։
Լրատվամիջոցին դիվանագետներից մեկն ասել է, որ Հունգարիան, հնարավոր է, կցանկանա ավարտել ԵՄ-ին Ուկրաինայի անդամակցության շուրջ բանակցությունները՝ նախքան հուլիսին ԵՄ Խորհրդում վեցամսյա նախագահությունը ստանձնելը:
