08.11.2026 | 12:17
Գորայք-Զանգեր ճանապարհին ձյան պատճառով 6 բեռնատար և մեկ մարդատար ավտոմեքենա արգելափակվել են
ԱՄՆ-ը պաշտոնական ցավակցություն է հայտնել Իրանի նախագահի և այլ պաշտոնյաների մահվան կապակցությամբ
Քաղաքականություն
21.05.2024 | 13:46
ԱՄՆ-ը ցավակցություններ է հայտնել ուղղաթիռի կործանման հետևանքով Իրանի նախագահ Էբրահիմ Ռաիսիի, ԱԳ նախարար Հոսեյն Ամիր Աբդոլլահիանի և այլ պաշտոնյաների մահվան կապակցությամբ։ Այս մասին հայտարարություն է տարածել Պետքարտուղարության մամուլի խոսնակ Մեթյու Միլլերը։
«Միացյալ Նահանգներն իր պաշտոնական ցավակցությունն է հայտնում Իրանի հյուսիս-արևմուտքում ուղղաթիռի կործանման հետևանքով նախագահ Էբրահիմ Ռայիսիի, արտաքին գործերի նախարար Ամիր Աբդոլլահիանի և նրանց պատվիրակության այլ անդամների մահվան կապակցությամբ: Քանի որ Իրանն ընտրում է նոր նախագահի, մենք վերահաստատում ենք մեր աջակցությունն իրանցի ժողովրդին և նրա պայքարին՝ հանուն մարդու իրավունքների և հիմնարար ազատությունների»,- ասվում է հաղորդագրության մեջ։
Հիշեցնենք, որ Իրանի նախագահ Էբրահիմ Ռաիսին, ԱԳ նախարար Հոսեյն Ամիր Աբդոլլահիանը և Ադրբեջան կատարած այցից վերադարձող պատվիրակության մյուս անդամները զոհվել են ուղղաթիռի կործանման հետևանքով։ Իրանի առաջին փոխնախագահ Մոհամմադ Մոխբերը ժամանակավորապես կատարում է զոհված նախագահ Էբրահիմ Ռաիսիի պարտականությունները։ Ըստ Սահմանադրության՝ նախագահական ընտրությունները պետք է կազմակերպվեն 50 օրվա ընթացքում։ Առաջարկվում է դրանք անցկացնել հունիսի 28-ին։
Ողբերգության կապակցությամբ Իրանում 5-օրյա սուգ է հայտարարվել։
