09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Թուրքիան ուշադրությամբ հետևում է Հայաստանի ու Ադրբեջանի խաղաղության բանակցություններին․ Էրդողան
Քաղաքականություն
21.05.2024 | 11:15
Թուրքիայի նախագահ Ռեջեփ Թայիփ Էրդողանը նախօրեին կառավարության նիստից հետո իր ուղերձում անդրադարձել է նաև Հայաստանի ու Ադրբեջանի միջև բանակցային գործընթացին։
Թուրքական լրատվամիջոցների փոխանցմամբ՝ նա հայտարարել է, որ Թուրքիան ուշադրությամբ հետևում է խաղաղության բանակցություններին։ Էրդողանը ողջունել է ձեռք բերված պայմանավորվածությունը ըստ նրա՝ «30 տարի օկուպացված 4 գյուղերի՝ Ադրբեջանին վերադարձնելու վերաբերյալ»։ Թուրքիայի նախագահի խոսքով՝ Հարավային Կովկասում այս պատմական հնարավորությունը չպետք է բաց թողնվի։
«Մեր ադրբեջանցի եղբայրներն ու քույրերը բազմիցս ցույց են տվել, որ իրենք խաղաղություն են ցանկանում։ Նույն հաշտարար վերաբերմունքն ենք ակնկալում Հայաստանի կառավարությունից։ Օտար տերությունների սադրանքները, որոնք սնվում են մեր տարածաշրջանի անկայունությամբ, պետք է կասեցվեն։ Թուրքիան բոլոր ջանքերը կգործադրի կայուն խաղաղության հասնելու համար»,-հայտարարել է Թուրքիայի նախագահը։
Հավելենք, որ նախօրեին Էրդողանը հեռախոսազրույց էր ունեցել Ադրբեջանի նախագահ Իլհամ Ալիևի հետ։
