25.05.2026 | 10:28
Կարեն Խաչանովը հաղթանակով է մեկնարկել «Ռոլան Գարոսում»
Անկարան «Թուրքական հոսքի» ֆինանսավորման համար պայմանավորվել է «Գազպրոմի» հետ
Քաղաքականություն
11.07.2017 | 10:05
Թուրքիան պայմանավորվածություն է ձեռք բերել ռուսական «Գազպրոմ» ընկերության հետ Թուրքիայի տարածքում «Թուրքական հոսք» գազամուղի կառուցման ֆինանսավորման վերաբերյալ։ Այս մասին հայտարարել է թուրքական Вotas պետական ընկերության տնօրեն Բուրհան Օզջանը Ստամբուլում կայացած 22-րդ Նավթային համաշխարհային կոնգրեսի ժամանակ, գրում է РИА Новости-ն:
«Մենք արդեն պայմանավորվել ենք նրանց հետ, սակայն չեմ կարող բացահայտ ասել, թե ինչ թվերի մասին է խոսքը ու տոկոսային ինչ հարաբերակցությամբ ենք աշխատելու»,- ասել է նա:
Հիշեցնենք, որ Ռուսաստանը և Թուրքիան 2016 թվականի հոկտեմբերի 10-ին ստորագրել են միջկառավարական համաձայնագիր «Թուրքական հոսք» նախագծի վերաբերյալ: Փաստաթուղթը ենթադրում է Սև ծովի հատակով գազամուղի երկու գծի կառուցում՝ յուրաքանչյուրը 15,75 միլիարդ խորանարդ մետր հզորությամբ:
