07.11.2026 | 18:08
Իմ խնդիրն է՝ Հայաստանն իր միջազգայնորեն ճանաչված տարածքներով և բաց սահմաններով հանձնել երիտասարդությանը. վարչապետ
Դեսպան Սարգսյանն ու Քլեվր Գաթեթեն քննարկել են համագործակցության հեռանկարները
Քաղաքականություն
14.05.2024 | 21:19
Մայիսի 14-ին Եթովպիայի Դաշնային Ժողովրդավարական Հանրապետությունում Հայաստանի Հանրապետության դեսպան Սահակ Սարգսյանը ՄԱԿ-ի՝ Աֆրիկայի հարցերով տնտեսական հանձնաժողովի (ՄԱԿԱՏՀ/UNECA) գործադիր քարտուղար Քլեվր Գաթեթեին է հանձնել ՀՀ ԱԳ նախարարի նամակը՝ ՄԱԿԱՏՀ-ում ՀՀ մշտական ներկայացուցչի հավատարմագրման մասին:
ՀՀ ԱԳՆ-ից տեղեկացնում են, որ կազմակերպության գործադիր քարտուղարը շնորհավորել է ՀՀ դեսպանին՝ մաղթելով նրան հաջողություն իր նոր առաքելության մեջ: Դեսպան Սարգսյանը նշել է, որ Հայաստանն առանձահատուկ նշանակություն է տալիս աֆրիկյան երկրների հետ հարաբերությունների աշխուժացմանը և տարածաշրջանում ՀՀ ներգրավվածության ընդլայնմանը:
Կողմերը քննարկել են ներկա համագործակցությունը և դրա հեռանկարները, մատնանշել տարածաշրջանում կայուն զարգացման ուղղությամբ ջանքերը համադրելու անհրաժեշտությունը՝ հաջակցություն մայրցամաքին՝ իրագործելու ՄԱԿ-ի 2030 և Աֆրիկայի 2063 զարգացման օրակարգերը: Ուրվագծվել են հետագա գործակցության ուղղությունները՝ հիմնված մասնավորապես ՄԱԿԱՏՀ-ի և հայաստանյան Առաջատար տեխնոլոգիաների ձեռնարկությունների միության (ԱՏՁՄ) ու Ձեռնարկությունների Ինկուբատոր Հիմնադրամի (ՁԻՀ) միջև ստորագրված հուշագրերի դրույթների վրա:
