02.06.2026 | 23:13
Հայաստանի մի շարք հասցեներում էլեկտրաէներգիայի անջատումներ կլինեն
Ղազախստանի էկոնոմիկայի նախկին նախարարը 24 տարվա ազատազրկման է դատապարտվել կնոջ սպանության համար
Քաղաքականություն
13.05.2024 | 23:18
Ղազախստանում դատարանը 24 տարվա ազատազրկման է դատապարտել էկոնոմիկայի նախկին նախարար Կուանդիկ Բիշիմբաևին կնոջ սպանության համար, գրում է Meduza-ն։
Բիշիմբաևը մեղավոր է ճանաչվել ծայրահեղ դաժանությամբ և խոշտանգումներով սպանության հոդվածներով։ Գործը քննվել է երդվյալ ատենակալների կողմից։ Բիշիմբաևի եղբայրը՝ Բակիժան Բայժանովը, չորս տարվա ազատազրկման է դատապարտվել՝ հանցագործության մասին իմանալու և չհայտնելու մեղադրանքով։
Բիշիմբաևի գործը Ղազախստանում ակտիվացրել է ընտանեկան բռնության ենթարկված մարդկանց օրենսդրական պաշտպանություն ապահովելու անհրաժեշտության մասին հանրային քննարկումները: Խորհրդարանն ընդունել է օրենք, որը խստացնում է պատիժները ծանր մարմնական վնասվածքների համար, ինչպես նաև նախատեսում է աջակցության կենտրոնների ստեղծում՝ ընտանեկան բռնության զոհերին օգնություն ցուցաբերելու համար:
Բիշիմբաևը 2016թ-ին է մի քանի ամսով ղեկավարել էկոնոմիկայի նախարարությունը։ 2018 թ-ին նա 10 տարվա ազատազրկման էր դատապարտվել կոռուպցիոն մեղադրանքով, սակայն մեկուկես տարի անց պայմանական վաղաժամկետ ազատ էր արձակվել։
