Քաղաքականություն
13.05.2024 | 23:30
Գերմանիայի կառավարությունը մերժել է Ուկրաինայի օդային տարածքի պաշտպանությանը ՆԱՏՕ-ի հնարավոր մասնակցության առաջարկները։ Գերմանիայի կառավարության խոսնակ Շտեֆեն Հեբեստրեյթը բացառել է դաշինքի հակաօդային պաշտպանության համակարգերի կիրառման հնարավորությունը Ուկրաինայի երկինքը պաշտպանելու համար, ինչը նախկինում հնարավոր էին համարում ինչպես իշխանական, այնպես էլ ընդդիմադիր քաղաքական գործիչները, գրում է DW-ի ռուսական ծառայությունը:
Դաշնային կառավարության ներկայացուցչի դիտարկմամբ՝ խոսքն այս պահին Ուկրաինայի հակաօդային պաշտպանության համակարգի ուժեղացման մասին է։ Գերմանիան միջոցներ է ձեռնարկում այդ ուղղությամբ և Կիևին մատակարարում է մեկ այլ Patriot համալիր, նշել է նա։
Ավելի վաղ Frankfurter Allgemeine Zeitung-ը գրել էր, որ «Ազատ դեմոկրատական կուսակցության» ու «Միություն 90» կուսակցության ներկայացուցիները չեն բացառում, որ ՆԱՏՕ-ի անդամ երկրները կօգնեն Ուկրաինային պաշտպանել իր արևտմյան տարածքների մի մասը ռուսական ԱԹՍ-ներից։ Ընդ որում կարող են կիրառվել ՀՕՊ համակարգեր, որոնք տեղակայված են դաշինքի արևմտյան սահմաններին, մասնավորապես՝ Լեհաստանում ու Ռումինիայում։
