02.06.2026 | 22:30
ՀՀ ԱԳ փոխնախարարն ու Իսպանիայի պետքարտուղարը քննարկել են Հայաստան-ԵՄ օրակարգը
Լեհաստանի, ԱՄՆ-ի և Բալթյան երկրների ռազմաօդային ուժերը զորավարժություններ են սկսել
Քաղաքականություն
08.05.2024 | 16:35
Մեկնարկել են Լեհաստանի, ԱՄՆ-ի և Բալթյան երկրների ռազմաօդային ուժերի Astral Knight-24 բազմազգ զորավարժությունները։ Այս մասին X-ում գրառմամբ հայտնել է Լեհաստանի զինված ուժերի օպերատիվ հրամանատարությունը։
Նշվում է, որ զորավարժությունների հիմնական նպատակն է՝ ընդլայնել IAMD (Integrated Air and Missile Defense) համակարգերի ինտեգրումը և օդային տիրույթում հրամանատարության ու կառավարման ճարտարապետության ստեղծումը։
183-րդ օդային օպերացիոն խմբի (AOG) և Օդային օպերացիոն կենտրոնի Օդային բաղադրիչների հրամանատարության (COP-DKP) սպաներն առանցքային դեր են խաղում պլանավորման և իրականացման գործընթացում: Նրանք համակարգված կերպով իրականացնում են լրացուցիչ տարրերի ինտեգրման, գործառնական կարողությունների ամրապնդման և անձնակազմի միջև միջանձնային հարաբերությունների ամրապնդման գործողություններ:
Ավելի վաղ հաղորդվել էր, որ Էստոնիայում 15 երկրների մասնակցությամբ զորավարժություններ են սկսվել։
Հիշեցնենք, որ ամռանը Լիտվայում նախատեսվում են երկրի պատմության մեջ ամենախոշոր զորավարժությունները՝ ուղղված տարբեր երկրների զինված ուժերի պատրաստմանը և ռազմական արձագանքի ուժեղացմանը՝ Բալթիկ ծովում նավարկության ազատության և անվտանգության ապահովման համար։
