05.04.2026 | 15:46
Ազովի ծովում ցորենով բեռնված բեռնատար նավ է կործանվել. մեկ մարդ զոհվել է
Մեկուկես միլիոն դրամի ծխախոտը գնել էր վերավաճառելու նպատակով․ 43 և 34 տարեկան տղամարդիկ ձերբակալվել են
Հասարակություն
07.05.2024 | 13:11
Ոստիկանության Կումայրիի բաժնի քրեական հետախույզները ստացված տեղեկություններն իրացնելով, ապօրինի ձեռնարկատիրական գործունեությամբ զբաղվելու հիմնավոր կասկածանքով Գյումրի քաղաքի Ղանդիլյան փողոցում ձերբակալել և բաժին են տեղափոխել գյումրեցի 43 և 34 տարեկան երկու տղամարդու՝ վերջինիս վարած «Օպել» մակնիշի մեքենայով հանդերձ․ տեղեկացնում են ՆԳՆ ոստիկանությունից։
43-ամյա տղամարդը հայտնել է, որ մեքենայի սրահում և բեռնախցիկում կա 6000 տուփ ծխախոտ: Նաև հայտնել է, որ ծխախոտն ինքը ապրիլի 23-ին մեկուկես միլիոն դրամով գնել է Բագրատաշենի սահմանային անցակետի մոտակայքից՝ վրացի անծանոթ անձից և վերավաճառելու նպատակով տեղափոխել է Գյումրի:
Գյումրեցի տղամարդիկ և կազմված փաստաթղթերը ներկայացվել են Շիրակի մարզային քննչական վարչություն:
«Օպելը» տեղափոխվել է Կումայրիի բաժնի հատուկ պահպանվող տարածք:
