19.05.2024 | 11:19
Արտարժույթների փոխարժեքները՝ մայիսի 19-ի դրությամբ
Մաշտոցի բաժնի ոստիկանները բնակարանային գողության դեպք են բացահայտել
Հասարակություն
06.05.2024 | 14:15
Մայիսի 4-ին ՆԳՆ ոստիկանության օպերատիվ կառավարման կենտրոն էր զանգել մայրաքաղաքի Լենինգրադյան փողոցի մի բնակիչ և հայտնել, որ իր բնակարանից գողություն է կատարվել․ տեղեկացնում են ՀՀ ոստիկանությունից։
Նշված հասցե ոստիկանության Մաշտոցի բաժնից օպերատիվ խումբ է մեկնել:
Պարզվել է, որ ժամը 9-ից 14.30-ն ընկած ժամանակահատվածում հարմարեցված բանալիով բնակարանի մուտքի դուռը բացել և գողացել են օծանելիքներ, ձեռքի ժամացույցներ, արևային ակնոցներ, խմիչք և այլ իրեր:
Ձեռնարկված օպերատիվ-հետախուզական միջոցառումների արդյունքում Մաշտոցի բաժնի քրեական հետախույզները, գողությունը կատարելու հիմնավոր կասկածանքով, Արաբկիրի 35-րդ փողոցի հասցեներից մեկում հայտնաբերել, ձերբակալել և բաժին են տարել Ներքին Շենգավիթի բնակիչ 48-ամյա տղամարդուն: Անձնական խուզարկությամբ գողոնը հայտնաբերվել է:
Կազմված փաստաթղթերը ներկայացվել են քննչական բաժին:
