13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Պրահայի անփոփոխ տեսքի, մաքուր արվեստի և Սյունիքի մոգականության մասին. ապաքաղաքական զրույց Պետր Պիրունչիկի հետ. ՏԵՍԱՆՅՈՒԹ
Հաղորդաշարեր
28.04.2024 | 21:00
Factor TV-ի A-politic հաղորդաշարի հերթական թոդարկման հյուրն է Հայաստանում Չեխիայի արտակարգ և լիազոր դեսպան Պետր Պիրունչիիկը: Նրա համոզմամբ՝ մշակույթը, անշուշտ, դիվանագիտության մաս է, և իր աշխատանքում նա ելնում է հենց այդ մեկնակետից:
Դեսպանը համաձայն է այն պնդման հետ, որ ազգին ճանաչում են նաև նրա մշակութային գործիչներով: Բայց, ըստ նրա, Չեխիայի դեպքում ավելի շուտ հիշատակվում են ոչ թե անուն-ազգանուններ, այլ Չեխիայի մայրաքաղաքի անունը:
Հաղորդման ընթացքում խոսք է գնում Չեխիայի և Հայաստանի ներսում «տեղային» առանձնահատկությունների մասին: Այդ համատեքստում անդրադառնալով Սյունիքին՝ հաղորդման հյուրը նշում է այդ տարածաշրջանի հատուկ մոգական ազդեցությունը:
«Փոքր-ինչ մոգական, փոքր-ինչ ռոմանտիկ, որոշ չափով նաև խիստ, որովհետև այնտեղ լեռներ են, լեռնեցի սարթ ժողովուրդ է»,- այսպես է Սյունիքը բնորոշում դեսպանը, որը հաճախ է այցելում այդ մարզ:
Իր ազատ ժամանակը դեսպանը նվիրում է նաև երաժշտությանը, և հաղորդման ժամանակ անդրադարձ է կատարվում արվեստի այդ ձևին ու դրա հայտնի ներկայացուցիչներին:
«Երաժշտությունն ունիվերսալ լեզու է, որը հաղորդում է մեզ ոչ թե երկրային, այլ աստվածային արժեքներ»,- կարծում է Պետր Պիրունչիկը:
Մանրամասները՝ տեսանյութում:
Արամ Աբրահամյան
