07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Ադրբեջանում «Արևմուտքի հետ կապերի» համար լրագրող է ձերբակալվել
Քաղաքականություն
19.04.2024 | 13:25
Ադրբեջանի իշխանությունները շարունակում են ընդդիմադիր և անկախ լրագրողների ձերբակալությունները։ Մասնավորապես, երեկ երեկոյան Հեյդար Ալիևի անվան միջազգային օդանավակայանում ձերբակալվել է Meclis.info կայքի ղեկավար Իմրան Ալիևը։ Այս մասին հայտնել է ինքը՝ լրագրողը։
Իմրան Ալիևին ձերբակալել են դիմակավորված անձինք այն բանից հետո, երբ նա անցել է սահմանային անցակետն ու սպասել Ստամբուլի թռիչքին։ Լրագրողին հանձնել են ոստիկանությանը։
Լրագրողի ձերբակալությունը տեղի է ունեցել իշխանամետ «Qafqazinfo» կայքում «Նոր փաստեր «AbzasMedia»-ի և «Toplum TV»-ի գործով» հոդվածի հրապարակումից հետո, որտեղ հիշատակվում է նաև Իմրան Ալիևը։ Նշվում է, որ Ալիևն ապօրինի գումար է ստացել արևմտյան դոնորներից՝ վերոնշյալ լրատվամիջոցների աշխատակիցների հետ միասին։
Վերջին ամիսների ընթացքում Ադրբեջանում մաքսանենգության մեղադրանքով ձերբակալվել են տարբեր լրատվամիջոցներ ներկայացնող շուրջ երկու տասնյակ լրագրողներ։ Խուզարկություններ են իրականացվել Abzas Media-ի, Toplum TV-ի գրասենյակներում և որոշ լրագրողների բնակարաններում։
Միջազգային կառույցները կոչ են անում Ադրբեջանի իշխանություններին՝ դադարեցնել բռնաճնշումներն ու լրագրողներին ազատ արձակել։
Էմմա Չոբանյան
