07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Բաքուն պատրաստվում է Դադիվանքից վերացնել հայկական հետքը
18.04.2024 | 14:16
Ադրբեջանի մշակութային ժառանգության պահպանության, զարգացման և վերականգնման պետական ծառայության ղեկավար Սաբինա Հաջիևան ադրբեջանական լրատվամիջոցներին ասել է, թե անհրաժեշտ քայլեր են ձեռնարկվելու՝ Դադիվանքում, իբր, «հայերի կողմից իրականացված վանդալիզմի հետ կապված»։
«Ղարաբաղի բոլոր հուշարձանները մեր մշակութային և պատմական ժառանգության մասն են կազմում։ Այդ հուշարձանների պահպանությանն ուղղված և այլ անհրաժեշտ ընթացակարգեր կիրականացվեն»,- ասել է նա՝ նշելով, թե մոնիթորինգ է իրականացվել հայկական մեկ այլ՝ Ամարասի վանական համալիրում։
Նշենք, որ Արցախում հայկական հոգևոր և մշակութային ժառանգության հուշարձանները ենթարկվում են Բաքվի կողմից վանդալիզմի, նաև տեղի է ունենում հայկական հետքը վերացնելու գործընթաց։
Ադրբեջանը պարբերաբար և հետևողականորեն կեղծում է պատմությունը՝ Դադիվանքը, ինչպես նաև Արցախի պատմամշակութային այլ հուշարձաններ ներկայացնելով որպես ալբանական (աղվանական)։ Արցախյան 44-օրյա պատերազմից հետո Դադիվանքի հարակից տարածքներն անցել էին ադրբեջանական հսկողության տակ և եկեղեցու տարածքը հսկում էին ռուս խաղաղապահները, սակայն օրերս նրանք հսկողությունը հանձնել են Ադրբեջանի ոստիկանությանը։ Դրանից հետո արդեն հայտարարվեց, որ սկսվել է Արցախից ռուս խաղաղապահ զորախմբի դուրսբերման գործընթաց։
Էմմա Չոբանյան
