12.01.2025 | 14:00
Շրջապտույտ, որ կայսրությունները սերմանել են մեզանում, որ չունենանք պետություն․ Փաշինյան
Մոսկվայում 70-ամյա թոշակառուն դատապարտվել է 1,5 տարվա պայմանական ազատազրկման՝ քվեախցիկը հրկիզելու համար
Քաղաքականություն
16.04.2024 | 23:02
Մոսկվայի Լյուբլինսկի շրջանային դատարանը 70-ամյա Տատյանա Պետրուխինային դատապարտել է մեկուկես տարվա պայմանական ազատազրկման՝ ընտրական հանձնաժողովի աշխատանքը խոչընդոտելու գործով (Քրեական օրենսգրքի 141-րդ հոդվածի 2-րդ մասի «գ» կետ), հաղորդում է Mediazona-ն։
Պետական մեղադրողը նրա համար երկու տարվա պայմանական ազատազրկում է խնդրել։
Ըստ քննիչների՝ Պետրուխինան ընտրություններից առաջ մեսենջերներից մեկում նամակագրություն է ունեցել «անհայտ խմբի» հետ և նրանց հետ «հանցավոր դավադրության» մեջ մտել։ Մարտի 15-ին կինը եկել է ընտրատեղամաս, շշից դյուրավառ հեղուկ լցրել քվեաթերթիկների վրա և այրել դրանք։
Փաստաբանը մատնանշել է, որ բոլոր քվեաթերթիկները եղել են քվեատուփում, վնասվել է միայն խցիկը։
«Իմ պաշտպանյալին երեք օրում մոլորեցրել են։ Նա իսկապես կարծում էր, որ աշխատում է հատուկ ծառայություններում և փրկում է նախագահական ընտրությունները»,- ասել է նա դատարանում։
Ընտրությունների ժամանակ ՌԴ ՆԳՆ-ն ավելի քան 60 քրեական գործ է հարուցել, դրանցից 23-ը՝ «ահաբեկչական գործողության մասին սուտ մատնություն», 21-ը՝ «ընտրական հանձնաժողովների աշխատանքը խոչընդոտելու» հոդվածով։ Քրեական հետապնդման դեպքերի մեծ մասը կապված է այն բանի հետ, որ ընտրատեղամասերի այցելուները քվեատուփերը լցրել են թանաքով կամ «փայլուն կանաչով», ինչպես նաև հրկիզել և ճայթռուկներ են պայթեցրել։
