23.11.2024 | 19:28
Կանանց ազգային հավաքականը սկսում է նախապատրաստվել ընկերական խաղերին
Աշոտյանի կալանքի ժամկետը 3 ամսով երկարացվեց
Հասարակություն
11.04.2024 | 16:21
Հակակոռուպցիոն դատարանը՝ Վահե Դոլմազյանի նախագահությամբ, որոշում կայացրեց անփոփոխ թողնել ՀՀԿ փոխնախագահ Արմեն Աշոտյանի խափանման միջոցը։ Դատարանը որոշեց 3 ամսով երկարացնել կալանքի ժամկետը։
Հիշեցնենք՝ Արմեն Աշոտյանի խափանման միջոցը փոխելու համար երաշխավորություն էին ներկայացրել ԱԺ «Հայաստան» և «Պատիվ ունեմ» խմբակցության պատգամավորները։
Արմեն Աշոտյանը կալանքի տակ է արդեն 10 ամիս։ Նա մեղադրվում է «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումների գործով պաշտոնեական դիրքի չարաշահման և փողերի լվացման հոդվածներով, որն առաջացրել է ծանր հետևանքներ։
Նա մեղադրանքը չի ընդունում․ թե՛ ինքը, թե՛ նրա թիմակիցները հայտարարում են, որ Աշոտյանը քաղբանտարկյալ է, կալանավորվել է իշխանության կողմից իր քաղաքական հայտարարության համար՝ իշխանությանը քննադատելու համար, մասնավորապես, Արցախի հարցում իշխանության ցուցաբերած քաղաքականության համար։
Իշխանությունները կտրականապես հերքում են ՀՀԿ փոխնախագահի և նրա թիմակիցների այն պնդումները, թե Աշոտյանը քաղաքական հետապնդման է ենթարկվում՝ վստահեցնելով՝ դատական իշխանության գործերին չեն միջամտում։
