15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
Ուզբեկստանից և Ղազախստանից հետո Ղրղզստանը նույնպես որոշել է Արցախում դպրոց կառուցել
Քաղաքականություն
09.04.2024 | 21:58
Ադրբեջանի և Ղրղզստանի արտաքին գործերի նախարարներ Ջեյհուն Բայրամովը և Ժեենբեկ Կուլուբաևը Բիշքեկում անցկացված բանակցությունների ընթացքում քննարկել են Թյուրքական պետությունների կազմակերպության շրջանակում համագործակցության ընդլայնման հեռանկարները։ Այդ կապակցությամբ նշվել է, որ կազմակերպության արտահերթ գագաթնաժողովը տեղի կունենա 2024 թվականի հուլիսին Արցախի հայաթափված հայկական Շուշի քաղաքում, իսկ պաշտոնական գագաթնաժողովը՝ հոկտեմբերին Բիշքեկում։
Ադրբեջանի ԱԳՆ-ի փոխանցմամբ՝ Ղրղզստանի նախաձեռնությամբ Ակնայի շրջանում միջնակարգ դպրոց է կառուցվելու։
Հիշեցնենք՝ 2023 թվականի օգոստոսին Վարանդայում բացվել էր Ուզբեկստանի նախաձեռնությամբ կառուցված դպրոցը։ Արարողությանը մասնակցել էր նաև Ուզբեկստանի նախագահ Շևքաթ Միրզիոևը։
Մարտի սկզբին էլ էթնիկ զտման ենթարկված Արցախ էր այցելել Ղազախստանի նախագահ Կասիմ Ժոմարտ-Տոկաևը և մասնակցել Վարանդայում ղազախական կողմի ներդրումներով կառուցված մանկական ստեղծագործական կենտրոնի բացման արարողությանը։
Էմմա Չոբանյան
