22.07.2026 | 16:21
Քոլբի Քովինգթոն․ «Համոզված եմ` Արման Ծառուկյանը դառնալու է UFC-ի չեմպիոն»
Էրդողանին «վիրավորելու» համար նախորդ տարի շուրջ 7000 մարդ դատարանի առաջ է կանգնել
Քաղաքականություն
08.04.2024 | 22:00
Անցյալ տարի Թուրքիայում հազարավոր մարդիկ դատարանի առջև են կանգնել նախագահ Ռեջեփ Թայիփ Էրդողանին և պետությանը «վիրավորելու» համար, գրում է Birgun-ը։
Վկայակոչելով Արդարադատության նախարարության տվյալները՝ լրատվամիջոցը նշում է, որ խոսքը 6,879 մարդու մասին է։ Քրեական հետաքննության ենթարկվածների թվում է 18 տարեկանից ցածր 552 քաղաքացի։
Թուրքիայի ՔՕ 299-րդ հոդվածով նախատեսված արարքը՝ նախագահին «վիրավորելը» պատժվում է մինչև չորս տարվա ազատազրկմամբ, իսկ թուրքական պետությանը և նրա կառույցներին «վիրավորողները» կարող են դատապարտվել մինչև երկու տարվա ազատազրկման։
Շուրջ 3,500 մարդ դատապարտվել է դատարանների կողմից, որոնցից 1,601-ը փաստացի պատիժ է կրում, իսկ 1,982-ի պատիժը կասեցվել է: 1,774 մարդ արդարացվել է։
