17.03.2026 | 13:46
Աբու Դաբիում հրթիռի բեկորներից մեկ մարդ է զոհվել. ԱՄԷ-ի Ֆուջեյրայի նավթային համալիրին նոր հարված է հասցվել
Թբիլիսիում տեղի ունեցած պայթյունի հետևանքով տուժել են նաև ոստիկաններ
Քաղաքականություն
07.04.2024 | 22:07
Թբիլիսիի Battleground զենքի կենտրոնի և խանութի հրաձգարանում այսօր տեղի ունեցած պայթյունի հետևանքով զոհվել է Վրաստանի ՆԳՆ աշխատակիցը, վիրավորվել՝ երկու ոստիկան։ Այս մասին հաղորդում է News Georgia-ն։
Ընդհանուր առմամբ հայտնի է երեք զոհի և երեք վիրավորի մասին։
Պայթյունի պատճառները պաշտոնապես չեն հաղորդվում։ Բայց հայտնի է, որ ՆԳՆ-ն գործ է հարուցել 240-րդ հոդվածով՝ էլեկտրաէներգիայի, ջերմային, գազի, նավթի կամ նավթամթերքի օբյեկտներում անվտանգության կանոնների խախտում։
Տեղում շարունակում են աշխատել Հրդեհային և պայթուցիկ նյութերի հետազոտման ծառայության քրեագետներն ու մասնագետները։
Battleground կենտրոնը վաճառում է հատուկ նշանակության հագուստ և պարագաներ, զենքեր և պաշտպանական սարքավորումներ: Այստեղ անցկացվում են նաև հրաձգության դասընթացներ։ Կենտրոնի սեփականատերը Global Defense Group Ltd ընկերությունն է, հիմնադրվել է 2013 թվականին։
Պայթյունի հետևանքով տեղում մահացել է երկու մարդ, որոնցից մեկը՝ խանութի աշխատակիցն է, ևս մեկը մահացել է հիվանդանոցում: Տուժածներից երեքը շարունակում են մնալ կլինիկաներում:
