24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Իսրայելը զորքերը դուրս է բերում Գազայի հարավում գտնվող Խան Յունիսից
Քաղաքականություն
07.04.2024 | 16:26
Իսրայելի պաշտպանության բանակը կիրակի օրը՝ ապրիլի 7-ին, հայտարարել է, որ իր զորքերը դուրս է բերել Գազայի հատվածի հարավում գտնվող Խան Յունիս քաղաքից, որը համարվում է իսլամիստական ՀԱՄԱՍ շարժման կարևոր բազան։ «98-րդ դիվիզիան ավարտել է իր առաքելությունը Խան Յունիսում», – ասվում է Իսրայելի պաշտպանության բանակի հայտարարության մեջ:
Իսրայելական զորքերը լքել են Գազայի հատվածը «վերականգնվելու և հետագա գործողություններին պատրաստվելու համար». պարզաբանում է բանակի հրամանատարությունը։
Այնուամենայնիվ, հայտարարության մեջ ասվում է, որ Իսրայելի պաշտպանության բանակի «զգալի ուժեր» մնում են Գազայի հատվածում, որոնք «կպահպանեն իսրայելական բանակի գործողությունների ազատությունը և հետախուզական տվյալների հիման վրա ճշգրիտ գործողություններ իրականացնելու կարողությունը»:
