23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Կրոկուս»-ի հրշեջ ծառայության երկու պատասխանատու անձինք կասկածվում են անփութության մեջ
Քաղաքականություն
07.04.2024 | 15:31
Ռուսաստանի Դաշնության Քննչական կոմիտեն քրեական գործ է հարուցել «Կրոկուս սիթի հոլլ»-ի հրդեհային անվտանգության համար պատասխանատու երկու անձանց նկատմամբ։ Այս մասին ՏԱՍՍ-ին հայտնել են ոստիկանությունից։
Աղբյուրի համաձայն՝ մեղադրանք է առաջադրվել համերգասրահի հրդեհային անվտանգության համար պատասխանատուի և հրշեջ բրիգադի ղեկավարի նկատմամբ։
Ոստիկանությունը հայտնել է, որ քրեական գործ է հարուցվել շենքում հրդեհային անվտանգության պահանջների հնարավոր խախտումների առնչությամբ, ինչը կարող էր վատթարացնել իրավիճակը ահաբեկիչների կողմից «Կրոկուս»-ը հրկիզելուց հետո։
Ավելի վաղ ԶԼՄ-ներին հայտնի էր դարձել, որ հրդեհաշիջման ավտոմատացված համակարգի մի մասը, որը պատասխանատու է ջրի և փոշու մատակարարման համար, չի աշխատել համերգասրահում մարտի 22-ին բռնկված հրդեհից հետո։ Ըստ աղբյուրի զրուցակցի՝ համակարգը պետք է ավտոմատ կերպով միանա սենսորից ինֆրակարմիր ճառագայթման ազդանշան ստանալուց հետո։
