14.01.2026 | 22:56
Եթե այստեղ հասել ենք, կարող ենք մեծ հաջողություններ ունենալ․ ԿԳՄՍ նախարարը՝ ֆուտզալի Հայաստանի հավաքականին
ՆԱՏՕ-ի համագործակցությունը Հարավային Կովկասի երկրների հետ շատ արժեքավոր է․դաշինքում ԱՄՆ դեսպան
Քաղաքականություն
02.04.2024 | 23:19
Հյուսիսատլանտյան դաշինքի համագործակցությունը Հարավային Կովկասի երկրների հետ շատ արժեքավոր է։ Ադրբեջանական լրատվամիջոցների փոխանցմամբ՝ այս մասին ասել է ՆԱՏՕ-ում ԱՄՆ դեսպան Ջուլիանա Սմիթը։
Նա հիշեցրել է, որ վերջերս ՆԱՏՕ-ի գլխավոր քարտուղար Յենս Ստոլտենբերգը այցելել է Հարավային Կովկաս՝ Հայաստան, Վրաստան, Ադրբեջան։
«Շատ կարևոր ուղևորություն էր դեպի տարածաշրջան: Նա այցելել է Հարավային Կովկասի երկրների մայրաքաղաքներ, և դա խոսում է մեր գործընկերության արժեքավորության մասին: Վրաստանը մեր ամենամոտ գործընկերներից է: Ադրբեջանն ու Հայաստանը նույնպես խորացնում են հարաբերությունները ՆԱՏՕ-ի հետ, սակայն պետք է ընդգծել, որ ոչ բոլոր գործընկերներն են ձգտում անդամակցության»,- ասել է նա՝հավելելով, որ ՆԱՏՕ-ն աջակցում է Վրաստանի՝ դաշինքի մաս դառնալու ցանկությանը։
