10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Զաքիր Հասանովը հանդիպել է Թուրքիայի պաշտպանական արդյունաբերության կոմիտեի նախագահին
Քաղաքականություն
02.04.2024 | 23:08
Ադրբեջանի պաշտպանության նախարար Զաքիր Հասանովը հանդիպել է Թուրքիայի նախագահի աշխատակազմի պաշտպանական արդյունաբերության կոմիտեի նախագահ Հալուք Գյորգյունի գլխավորած պատվիրակության հետ։
Ադրբեջանի ՊՆ հաղորդմամբ՝ Հասանովն ընդգծել է նման հանդիպումների կարևորությունը փոխադարձ համագործակցության ընդլայնման տեսանկյունից։
«Պաշտպանության նախարարը վստահություն է հայտնել, որ Ադրբեջանի և Թուրքիայի միջև իրականացվող համատեղ արտադրական նախագծերն էլ ավելի կբարձրացնեն երկու եղբայրական երկրների բանակների պաշտպանունակությունը»,-ասվում է հաղորդագրության մեջ։
Հանդիպմանը կողմերը գոհունակություն են հայտնել Ադրբեջանի և Թուրքիայի միջև երկկողմ ռազմական համագործակցության ներկա վիճակի առնչությամբ։
«Հանդիպմանը, որին մասնակցում էին Թուրքիայի առաջատար ռազմարդյունաբերական ընկերությունների ղեկավարները, քննարկվել են երկկողմ ռազմական և ռազմատեխնիկական համագործակցության զարգացման հեռանկարները, տեղի է ունեցել մտքերի հանգամանալից փոխանակում փոխադարձ հետաքրքրություն ներկայացնող մի շարք հարցերի շուրջ»,-հայտնում է Ադրբեջանի ՊՆ-ն։
Հավելենք, որ ավելի վաղ թուրքական պատվիրակությունը հանդիպել էր Ադրբեջանի նախագահ Իլհամ Ալիևին։
