04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
«Իրավիճակի սրման ողջ պատասխանատվությունը ընկնելու է ՀՀ ռազմաքաղաքական ղեկավարության և նրա հովանավորների վրա»․ Ադրբեջանի ՊՆ
Քաղաքականություն
01.04.2024 | 20:24
Ադրբեջանի ՊՆ-ն հայտարարում է, որ «ադրբեջանական զինուժը արձանագրում է սահմանի տարբեր ուղղություններում հայկական զինված ուժերի կենտրոնացումը և նրանց կողմից հենակետերի ստեղծում»։
Բաքուն նշում է, թե «հարձակողական հենակետերի ստեղծումը, տարբեր ուղղություններով երկարաժամկետ կրակակետերի ստեղծումը, ամրակայանների կառուցումը արձանագրվել են ադրբեջանական զինուժի տրամադրության տակ գտնվող հատուկ տեխնիկական միջոցներով»:
Գերատեսչությունը պնդում է, թե կառուցված երկաթբետոնե ամրություններում տեղակայված են Հայաստանի զինված ուժերի հրետանային համակարգեր, այլ հարձակողական զինատեսակներ և ծանր կրակային տեխնիկա։
«Իրավիճակի սրման ողջ պատասխանատվությունը ընկնելու է Հայաստանի ռազմաքաղաքական ղեկավարության և նրա հովանավորների վրա»,- ասվում է հայտարարությունում։
Հիշեցնենք՝ Ադրբեջանի ՊՆ-ն երեկ հաղորդագրություն էր տարածել, որում պնդում էր, թե «հայ-ադրբեջանական պայմանական սահմանի տարբեր ուղղություններում առկա է կենդանի ուժի, զրահատեխնիկայի, հրետանային կայանքների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի ստորաբաժանումների ինտենսիվ տեղաշարժ»: ՀՀ ՊՆ-ն հերքել էր այս տեղեկությունները։
