17.12.2025 | 15:32
Սիրելի երեխաներ, ձեզ 2 պատգամավորի հետ կծանոթացնեմ․ Սիմոնյանը՝ Տ․ Մարգարյանի օգնականի մասին․ ՏԵՍԱՆՅՈՒԹ
Պատգամավոր Հակոբ Հակոբյանը վերջին շրջանում իր ունեցվածքը գրանցում է տղայի անունով. «ՀԺ»
21.08.2018 | 08:30
«Հայկական ժամանակ» թերթը գրում է.
Մեր տեղեկություններով՝ ՀՀ ԱԺ ՀՀԿ խմբակցության պատգամավոր, ԱԺ սոցիալական հարցերի հանձնաժողովի նախագահ Հակոբ Հակոբյանը (Թունելի Հակոբ) ԱԱԾ վերջին բացահայտումներից հետո որոշել է իր անունով գրանցված ունեցվածքը փոխել որդու` Պարույր Հակոբյանի անունով:
«ՀԺ»-ին հաջողվել է կապ հաստատել Հակոբ Հակոբյանի որդու` Պարույր Հակոբյանի հետ: Հարցին, թե ճի՞շտ է, որ ձեր հայրը ԱԱԾ վերջին բացահայտումներից հետո իր ունեցվածքը գրանցում է ձեր անունով, պատասխանել է. «Ոչ, ես արդեն 10 տարի է՝ իմ բիզնեսով եմ զբաղվում, հորս կողմից որոշակի նվիրատվություններ եղել են»:
Հարցին, թե վերջին ամիսներին նվիրատվություններ եղե՞լ են, Պարույր Հակոբյանը պատասխանել է. «Այո, բայց դրանք գումարի տեսքով չեն եղել, այլ ինչ-որ բաժնետոմսերի»:
Փաստորեն Պարույր Հակոբյանը հաստատել է մեր ունեցած տեղեկությունը:
Առավել մանրամասն՝ թերթի այսօրվա համարում:
