10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
«Կրոկուս»-ում ահաբեկչությունից հետո շենքում գտնվողներին օգնության ձեռք մեկնած Կարեն Ենգիբարյանը մահացել է
Քաղաքականություն
29.03.2024 | 19:10
Մոսկովյան «Կրոկուս սիթի հոլլ» համերգասրահում ահաբեկչությունից հետո շենքի ներսում գտնվողներին օգնության ձեռք մեկնած 35-ամյա Կարեն Ենգիբարյանը մահացել է։
«Մահացել է անցորդներից մեկը, որն անտարբեր չի եղել և օգնել է մարդկանց փրկել «Կրոկուս»-ից։ Կարեն Ենգիբարյանը շմոլ գազ է շնչել և մրսել, քանի որ իր բաճկոնը տվել է տուժողներից մեկին»,- գրում է Mash-ը։
35-ամյա Կարենն աշխատել է արտաքին գովազդ տեղադրող ընկերությունում։ Ողբերգության պահին գտնվել է «Կրոկուս»-ից ոչ հեռու, համերգասրահի տանիքին ծուխ է տեսել ու վազել դեպի գլխավոր մուտք։ Նա օգնել է մարդկանց դուրս բերել ծխից, տարել բժիշկների մոտ ու վերադարձել, իսկ տուժողներից մեկին տվել է իր վերարկուն։ Կարենը տուն է վերադարձել միայն առավոտյան։
Ըստ տեղեկության՝ Կարենը շնչել է ածխածնի օքսիդը, ինչի հետևանքով շնչուղիների սուր վարակ է զարգացել: Ենգիբարյանը մի քանի օր բուժում է ստացել, սակայն նրա կյանքը փրկել չի հաջողվել։
Վաղը հայկական եկեղեցում տեղի կունենա Կարենի հրաժեշտի արարողությունը։ Կարեն Ենգիբարյանն ամուսնացել էր երեք տարի առաջ։
