22.07.2026 | 11:11
Ռոնալդուն հավանել է տեսանյութը, որը ՖԻՖԱ-ին մեղադրում է Արգենտինային ԱԱ-2026-ի եզրափակիչ դուրս գալուն օգնելու մեջ
Կալանավորված ռուս լրագրողների թիվը հասել է ռեկորդային մակարդակի. ՄԱԿ
Քաղաքականություն
09.05.2024 | 22:00
ՄԱԿ-ի մարդու իրավունքների հարցերով գերագույն հանձնակատար Ֆոլկեր Թյուրքը դատապարտել է լրագրողների նկատմամբ ՌԴ իշխանությունների բռնաճնշումները, որոնք, ըստ նրա, ուժեղացել են 2022 թվականի փետրվարին Ուկրաինա ներխուժումից հետո, փոխանցում է VOA-ն:
«Խոսքի ազատության դեմ շարունակվող հարձակումները և անկախ լրագրության քրեականացումը Ռուսաստանում խորապես անհանգստացնող են»,- ասվում է Թյուրքի հայտարարության մեջ:
Նա կոչ է արել ազատ արձակել լրագրողներին, որոնք կալանավորվել են «պարզապես իրենց աշխատանքը կատարելու համար»։
ՄԱԿ-ի մարդու իրավունքների գրասենյակը հայտնել է, որ բանտարկված լրագրողների թիվը հասել է ռեկորդային մակարդակի այն բանից հետո, երբ Մոսկվան սկսել է իր ագրեսիվ պատերազմն Ուկրաինայում: Առնվազն 30 լրագրող տարբեր քրեական մեղադրանքներով կալանքի տակ է հայտնվել։
