17.03.2026 | 13:46
Աբու Դաբիում հրթիռի բեկորներից մեկ մարդ է զոհվել. ԱՄԷ-ի Ֆուջեյրայի նավթային համալիրին նոր հարված է հասցվել
Բաքվում լրտեսության մեջ մեղադրվող Իրանի քաղաքացին դատապարտվել է 12 տարվա ազատազրկման
Քաղաքականություն
29.03.2024 | 22:35
Բաքվի ծանր հանցագործությունների դատարանը Իրանի քաղաքացի Գաեդի Մոհամմադին, որը մեղադրվում է Ադրբեջանի տարածքում լրտեսության իրականացման մեջ, դատապարտել է 12 տարվա ազատազրկման՝ խիստ ռեժիմի գաղութում։
2023 թվականի մարտի 15-ին Ադրբեջանի պետական անվտանգության ծառայությունը (ՊԱԾ) հայտարարել էր օտարերկրյա քաղաքացու ձերբակալության մասին՝ լրտեսության կասկածանքով։
ՊԱԾ-ի տվյալներով՝ «Գաեդին օտարերկրյա պետության հետախուզական ծառայությունների անունից զբաղվել է պետական գաղտնիք հանդիսացող տեղեկատվության հավաքագրման և փոխանցման կազմակերպմամբ՝ Ադրբեջանի անվտանգության շահերին վնաս հասցնելու համար, այդ թվում՝ իրավապահների անձնական տվյալներ ձեռքբերմամբ, նրանց հետ կապերի հաստատմամբ՝ նրանց հետախուզական ծառայությունների հետ համագործակցության մեջ ներգրավելու նպատակով»։
