Քաղաքականություն
29.03.2024 | 21:24
Ուկրաինան 1,5 միլիարդ դոլարի փոխառություն է ստացել Ճապոնիայից և Մեծ Բրիտանիայից Համաշխարհային բանկի մեխանիզմների միջոցով՝ աջակցելու «Աճի հիմունքների» զարգացման քաղաքականությունը։ Korrespondent-ի փոխանցմամբ՝ այս մասին հայտնել է Ֆինանսների նախարարությունը։
Ֆինանսավորումը բաղկացած է Ճապոնիայի կառավարության երաշխիքներից՝ Համաշխարհային բանկի 984 միլիոն դոլարի թիրախային հիմնադրամի միջոցով և 516 միլիոն դոլարի երաշխիքներ Մեծ Բրիտանիայից:
Պետբյուջեի ընդհանուր ֆոնդը ստացել է 1,4 մլրդ դոլար։ Ուկրաինական վարկային պարտավորությունների սպասարկման ծախսերը նվազեցնելու նպատակով ծրագիրը նախատեսում է ճապոնական ֆոնդերի տոկոսների կապիտալացում 99,54 մլն դոլարի չափով։
Տրանշը ստանալու նախապայման է եղել Ուկրաինայի կողմից ծրագրի համար անհրաժեշտ պահանջների կատարումը։ Ընդհանուր առմամբ, դրանք ութն են և ներառում են Ուկրաինայի մաքսային ու հարկային օրենսդրության ներդաշնակեցումը ԵՄ չափանիշներին, հարկաբյուջետային քաղաքականության բարելավումը և կապիտալի շուկաների կարգավորումը, էլեկտրոնային գնումների համակարգում թափանցիկության և հաշվետվողականության ապահովումը:
