17.08.2026 | 15:55
Շիրակի մարզի 6 քարհանքից գողություններ կատարելու կասկածանքով երկու տղամարդ է ձերբակալվել
«Ժողովրդավարական ուղի» կուսակցությունը կմասնակցի Երևանի ավագանու ընտրություններին
Քաղաքականություն
20.08.2018 | 11:27
«Ժողովրդավարական ուղի» կուսակցությունը հայտարարություն է տարածել, որով տեղեկացնում է, որ որոշում է կայացրել մասնակցել սեպտեմբերի 23-ին կայանալիք Երևանի ավագանու ընտրություններին:
Կուսակցության հայտարարությունում ասվում է.
«Ժողովրդավարական ուղի կուսակցության վարչությունը քննարկման առնելով կուսակցության Երեւանի քաղաքային խորհուրդի որոշումը հայտարարում է, որ կայացրել է որոշում մասնակցություն ունենալ 2018 թվականի սեպտեմբերի 23-ին կայանալիք Երեւան քաղաքի ավագանու արտահերթ ընտրություններին՝ քաղաքապետի թեկնածու եւ նախընրական ցուցակը կգլխավորի կուսակցության նախագահ Մանուել Մանուկի Գասպարյանը»:
Նշենք, որ «Ժողովրդավարական ուղի» կուսակցությունն ընդգրկված է եղել ՀԱԿ դաշինքի կազմում: Կուսակցության հիմնադիրը ԱԺ նախկին պատգամավոր Մանուկ Գասպարյանն է, որի մահից հետո կուսակցությունը գլխավորում է նրա որդին՝ Մանուել Գասպարյանը:
Հիշեցնենք, որ ավագանու լիազորությունները Կառավարությունը կրճատել է օգոստոսի 16-ին: ԿԸՀ-ն հայտնել է, որ Երեւանի ավագանու արտահերթ ընտրությունները տեղի կունենան սեպտեմբերի 23-ին: Քարոզարշավի ժամկետն արտահերթ ընտրությունների ժամանակ կրճատվում է. այն կմեկնարկի սեպտեմբերի 10-ին և կավարտվի սեպտեմբերի 21-ին:
