23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Նռնակից վիրավորված երկու քաղաքացիների վիճակը միջին ծանրության է. ԱՆ խոսնակ
24.03.2024 | 19:12
ՆԳՆ ոստիկանության Նոր Նորքի բաժնի վարչական շենքի տարածքում նռնակի գործադրումից տուժած և բուժհաստատություն տեղափոխված երկու քաղաքացիների առողջական վիճակը գնահատվում է միջին ծանրության, այս մասին Factor.am-ին հայտնեց առողջապահության նախարարի մամուլի խոսնակ Մարիամ Ծատրյանը։
Խոսնակի փոխանցմամբ՝ նրանք ունեն ստորին վերջույթների բեկորային վնասվածքներ։
Հիշեցնենք՝ ՆԳՆ-ի հաղորդմամբ՝ ժամը 17։00-ի սահմաններում 3 քաղաքացի զինված փորձել է ներխուժել ՆԳՆ ոստիկանության Նոր Նորքի բաժնի վարչական շենք, գործադրել է նռնակ, ինչի հետևանքով ներխուժող անձանցից 2-ը վիրավորվել են և տեղափոխվել բուժհաստատություն։ Մեկ մարդ այս պահին զինված շարունակում է մնալ Ոստիկանության բաժնի դիմաց: Ձեռնարկվում են համապասխան աշխատանքներ՝ նրան վնասազերծելու համար:
