22.07.2026 | 19:51
Ռուբիոն պատմել է՝ ինչ է քննարկելու Լավրովի հետ հուլիսի 23-ի հանդիպման ժամանակ
ՌԴ-ն ՄԱԿ-ի Անվտանգության խորհրդի նիստ կհրավիրի՝ կապված «Կրոկուս սիթի հոլլում» տեղի ունեցած ահաբեկչության հետ
Քաղաքականություն
23.03.2024 | 00:49
Մոսկվան կպահանջի ՄԱԿ-ի Անվտանգության խորհրդի նիստ՝ կապված «Կրոկուս սիթի հոլլում» տեղի ունեցած ահաբեկչության հետ և կպահանջի, որ այն մոտ ժամանակներս անցկացվի։ Այս մասին «Ռոսսիա-24» հեռուստաալիքի եթերում հայտարարել է ՌԴ ԱԳՆ-ում հատուկ հանձնարարություններով դեսպան Ռոդիոն Միրոշնիկը, փոխանցում է ՏԱՍՍ-ը։
«Մեր դիվանագետներն այս հարցը կբարձրացնեն առաջին հերթին [ՄԱԿ-ի] Անվտանգության խորհրդի նիստում։ Համոզված եմ, որ նրանք կպահանջեն մոտ ապագայում Անվտանգության խորհրդի նիստ անցկացնել, որպեսզի բոլոր հարցերը կարգավորեն և համաշխարհային մեծամասնությունից՝ ամենամեծ միջազգային կազմակերպությունից ստանան այս գործողությունների դատապարտում»,- ասել է նա։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
ԱՄՆ նախագահ Ջո Բայդենի վարչակազմը ցավակցություն է հայտնել Մոսկվայի «Կրոկուս սիթի հոլ» համերգասրահում տեղի ունեցած ահաբեկչության զոհերի և վիրավորների ընտանիքներին։
Ռուս պաշտոնյաները «Կրոկուս սիթիի» վրա հարձակումն ահաբեկչություն են որակել։
Նախնական տվյալներով՝ 40 մարդ է զոհվել, ավելի քան 100-ը՝ տուժել։ «ՌԻԱ Նովոստի»-ի փոխանցմամբ՝ այս մասին տեղեկացնում են ԱԴԾ հանրային կապերի կենտրոնից:
