22.07.2026 | 18:50
Սպասվում է կարճատև անձրև և ամպրոպ
Կիևը ոչ մի կապ չունի «Կրոկուս սիթիի» վրա հարձակման հետ. Միխայիլ Պոդոլյակ
Քաղաքականություն
23.03.2024 | 00:04
«Կրոկուս սիթի հոլլ» համերգասրահի վրա հարձակումը մեկնաբանել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։ Նրա խոսքով՝ Կիևը ոչ մի կապ չունի այս հարձակման հետ։
«Ինչ վերաբերում է Ռուսաստանի Մոսկվայի շրջանի «Կրոկուս Սիթիում» տեղի ունեցած իրադարձություններին, որտեղ նոր են տեղի ունեցել որոշակի իրադարձություններ, որոշակի կրակոցներ, որոշակի ահաբեկչական գործողություններ անհայտ անձանց կողմից, հստակ ասենք՝ Ուկրաինան բացարձակապես կապ չունի այս իրադարձությունների հետ»,- ասել է նա։
Պոդոլյակն ընդգծել է, որ Ուկրաինան երբեք չի կիրառել ահաբեկչական մեթոդներ։ Նա նաև հիշեցրել է, որ մարտի սկզբին արևմտյան երկրների դեսպանատները զգուշացրել են ծայրահեղականների մոտալուտ գործողությունների մասին։
Դեռ ավելի վաղ տեղի ունեցածի մասին բարձրաձայնել էր «Ռուսաստանի կամավորական կորպուս» ռազմական կազմավորումը, որը կռվում է Ուկրաինայի կողմից։ Ռուսաստանում այն համարվում է ահաբեկչական։ Այն ստանձնել է Բելգորոդի շրջանում վերջին շաբաթներին հաճախակի դարձած հարձակումների պատասխանատվությունը։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
ԱՄՆ նախագահ Ջո Բայդենի վարչակազմը ցավակցություն է հայտնել Մոսկվայի «Կրոկուս սիթի հոլ» համերգասրահում տեղի ունեցած ահաբեկչության զոհերի և վիրավորների ընտանիքներին։
Ռուս պաշտոնյաները «Կրոկուս սիթիի» վրա հարձակումն ահաբեկչություն են որակել։
Նախնական տվյալներով՝ 40 մարդ է զոհվել, ավելի քան 100-ը՝ տուժել։ «ՌԻԱ Նովոստի»-ի փոխանցմամբ՝ այս մասին տեղեկացնում են ԱԴԾ հանրային կապերի կենտրոնից:
