01.05.2026 | 11:55
2 մլն եվրո և 1,8 մլն դոլար կանխիկ, 16 անշարժ գույք․ ինչ է հայտարարագրել Նարեկ Կարապետյանը
Մոնղոլիայում շուրջ 5 միլիոն կենդանի է ան կել դաժան ձմռան պատճառով
Քաղաքականություն
22.03.2024 | 23:03
Ծայրահեղ ցրտաշունչ ձմեռային եղանակը, որը հայտնի է ձուդ անունով, այս ձմռանը Մոնղոլիայում ավելի քան 4,7 միլիոն կենդանիների անկման պատճառ է դարձել: Այս մասին հայտնում է Կարմիր Խաչի միջազգային կոմիտեի մամուլի ծառայությունը։
Ձուդը տեղի է ունենում, երբ ամառային երաշտն իր տեղը զիջում է առատ ձյան տեղումներին և ծայրահեղ ցրտերին: Ջերմաստիճանը կարող է նվազել մինչև -30°C կամ ավելի ցածր: Բարձր ձյան ծածկույթը և սառույցի հաստ շերտը ծածկում են արոտավայրերը, ինչը զրկում է անասուններին սննդի հասանելիությունից:
Նման եղանակային պայմանները Մոնղոլիայում սկսել են ավելի ու ավելի հաճախ տեղի ունենալ, այդ պատճառով արոտավայրերը չեն հասցնում վերականգնվել ծայրահեղ եղանակային պայմանների պատճառով, իսկ հովիվները չեն հասցնում անհրաժեշտ պաշարներ կուտակել։
Մոնղոլիայում շուրջ 300 հազար մարդ քոչվոր անասնապահ է։ Նրանց գործունեությունը կախված է խոշոր եղջերավոր անասուններից, այծերից ու ձիերից։ ԿԽՄԿ-ի տվյալներով՝ 2023 թվականի նոյեմբերից անասնապահությամբ զբաղվող առնվազն 2250 ընտանիք կորցրել է իր անասունների 70%-ը։ Ավելի քան 7000 ընտանիք այժմ չունի սննդի բավարար հասանելիություն։
