08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Ալբերտ Բազեյանի խափանման միջոցը փոխվել է
Հասարակություն
21.03.2024 | 13:15
Երևանի նախկին քաղաքապետ, ԱԺ նախկին փոխնախագահ Ալբերտ Բազեյանի կալանքը փոխվել է տնային կալանք խափանման միջոցով. այս մասին ֆեյսբուքյան էջում գրել է նրա պաշտպան Գեորգի Մելիքյանը։
«Միանշանակ համաձայն չենք դատարանի որոշմանը, քանի որ առավել քան հիմնավորվել էր հիմնավոր կասկածի բացակայությունը, առավել ևս առերես հարցաքննության արդյունքներով հաստատվել էր միակ ցուցմունք տվողի հայտնած տվյալների իր իսկ բնորոշմամբ որպես հանցագործություն անլուրջ ընդունելը։ Իսկ իրականում տվյալ անձը անլուրջ էր ընդունել ամբողջ ԱԱԾ կառույցին, որի ցավալի հետևանքը Բազեյանի շուրջ վեց ամիս ապօրինի կալանքի տակ գտնվելն էր։ Արդարացումը անխուսափելի է»,- գրել է պաշտպանը։
Հիշեցնենք՝ սեպտեմբերի 23-ին հայտնի դարձավ, որ ԱԱԾ քննիչները մտել են Բազեյանի բնակարան և խուզարկություն կատարել։ Ավելի ուշ, նրան ձերբակալեցին և մեղադրանք առաջադրեցին ՀՀ Քրեական օրենսգրքի 43-419-րդ հոդվածով (իշխանությունը յուրացնելը) նախատեսված արարք կատարելու կասկածանքով:
ԱԱԾ-ն գրել էր, որ Բազեյանն ու «Խաչակիրներ» ռազմահայրենասիրական կազմակերպության ձերբակալված 7 անդամները ձեռք են բերել հեռահաղորդակցության սարքեր, հեռախոսային ու այլ կապը խլացնող սարքեր, ստեղծել պայմաններ իշխանությունը յուրացնելու համար, բայց իրենց կամքից անկախ հանցագործությունն ավարտին չեն հասցրել։
