08.07.2026 | 14:47
Առյուծի անկումը Գագիկ Ծառուկյանը շատ ծանր է տարել․ փաստաբան
Մեզանից յուրաքանչյուրը պետք է գիտակցի ներառական հասարակության ձևավորման անհրաժեշտությունը․ ՄԻՊ-ի ուղերձը՝ «արևների» համաշխարհային օրվա առթիվ
Հասարակություն
21.03.2024 | 10:50
ՀՀ ՄԻՊ Անահիտ Մանասյանն ուղերձ է հղել «արևների» համաշխարհային օրվա առթիվ։
Ուղերձում ասվում է․
«Մարտի 21-ն ամբողջ աշխարհը նշում է որպես Դաունի համախտանիշով մարդկանց՝ «արևների» համաշխարհային օր։ Օրվա խորհրդով պայմանավորված` ցանկանում եմ ևս մեկ անգամ հիշեցնել պետության ստանձնած պարտավորությունը՝ ապահովելու յուրաքանչյուրի հավասար հիմունքներով հասարակական կյանքում մասնակցությունն ու արդյունավետ սոցիալական ներառում։
Պետությունը պետք է գործուն միջոցներ ձեռնարկի՝ երաշխավորելու Դաունի համախտանիշով մարդկանց անկախ ապրելու և համայնքում ներառվելու իրավունքի անխոչընդոտ իրացումը:
Այս օրը ևս մեկ առիթ է, որպեսզի մեզանից յուրաքանչյուրը գիտակցի ներառական հասարակության ձևավորման անհրաժեշտությունն ու կարևորությունը»։
