15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
Դատական դեպարտամենտի հանրակացարանի մասնաշենքն ու հողամասը տրվեցին Պրոբացիայի ծառայությանը
Քաղաքականություն
21.03.2024 | 11:05
Կառավարությունը չզեկուցվող հարցերի փաթեթում ներառված նախագծով որոշեց Երևանի Գարեգին Նժդեհի 23/1 հասցեում գտնվող 1634.8 քառ. մետր մակերեսով հանրակացարանային մասնաշենքը և դրա զբաղեցրած, օգտագործման ու սպասարկման համար անհրաժեշտ 0.1879 հեկտար հողամասը հետ վերցնել ՀՀ դատական դեպարտամենտից և ամրացնել արդարադատության նախարարության պրոբացիայի ծառայությանը՝ աշխատակիցների համար պատշաճ աշխատանքային պայմաններ ապահովելու նպատակով:
Գործադիրն իր որոշման նախագծի ընդունման անհրաժեշտությունը պայմանավորում է արդարադատության նախարարության պրոբացիայի ծառայության շենքային պայմանների բարելավմամբ, ինչպես նաև ծառայությանն օրենքով վերապահված գործառույթների արդյունավետ իրականացմամբ։
Նշենք, որ Հայաստանի Հանրապետության արդարադատության նախարարության քրեակատարողական վարչության այլընտրանքային պատիժների կատարման բաժինը, որը 2016 թվականի օրենսդրական փոփոխություններից հետո անվանափոխվել է Պրոբացիայի ծառայության, 2009-ից գործունեություն է իրականացնում Արշակունյաց պողոտա 23 հասցեում։ 1862․53 քմ մակերեսով վարչական շենքը, սակայն, անհատույց օգտագործման իրավունքով պատկանում է «ՀՀ փորձագիտական կենտրոն» պետական ոչ առևտրային կազմակերպությանը։ Պրոբացիայի ծառայության կողմից ներկայումս օգտագործվում է այդ հասցեի 807․83 քմ տարածքը։ Նշված խնդրի վերաբերյալ դեռևս 2023 թվականի փետրվարին «ՀՀ փորձագիտական կենտրոն» ՊՈԱԿ-ը գրությամբ տեղեկացրել է Արդարադատության նախարարության գլխավոր քարտուղարին, միաժամանակ՝ նշելով 807․83 քմ տարածքն ազատելու անհրաժեշտության վերաբերյալ, քանի որ առաջիկայում նախատեսվում է նոր լաբարատոր սարքավորումներ ձեռք բերել:
