07.11.2026 | 15:06
ԱՄՆ-ն մինչև 20 մլն դոլար պարգևատրում է առաջարկում Իրանի միջուկային ծրագրի մասին տեղեկությունների համար
Թուրքիայի ԱԳ նախարարը մեկնում է Բրյուսել
Քաղաքականություն
20.03.2024 | 21:23
Թուրքիայի ԱԳ նախարար Հաքան Ֆիդանը կմասնակցի Միջուկային էներգետիկայի առաջին գագաթնաժողովին, որը տեղի կունենա մարտի 21-ին Բրյուսելում։ Թուրքական լրատվամիջոցները, վկայակոչելով դիվանագիտական աղբյուրներին, հայտնում են, որ գագաթնաժողովը կազմակերպում են Ատոմային էներգիայի միջազգային գործակալությունը (ՄԱԳԱՏԷ) և Բելգիայի կառավարությունը։
Նախատեսվում է Ֆիդանի ելույթը պետությունների և կառավարությունների ղեկավարների հանդիպմանը։ Մասնավորապես, անցկացվելու է նախարարների նիստ, ինչպես նաև չորս առանձին պանելային քննարկում՝ նախարարների և բարձրաստիճան այլ պաշտոնյաների մասնակցությամբ։
Միջուկային էներգետիկայի առաջին գագաթնաժողովին հրավիրվել են երկրների ու կառավարությունների ղեկավարներ, որոնք ավանդաբար շահույթ են ստանում ատոմային էներգիայից, ինչպես նաև այն երկրները, որոնք ձգտում են մեծացնել իրենց ներուժն այս ոլորտում և անցնել միջուկային էներգիայի։
Գագաթնաժողովին կմասնակցեն կառավարությունների և պետությունների 18 ղեկավարներ կամ նրանց տեղակալները։
Հավելենք, որ Ադրբեջանի ԱԳ նախարար Ջեյհուն Բայրամովը նույնպես մեկնել է Բելգիա՝ գագաթնաժողովին մասնակցելու։
