23.11.2024 | 15:55
Իսրայելի օդուժը հարվածներ է հասցրել Բեյրութի կենտրոնին ու արվարձաններին
Բելգորոդում հրետակոծություններից հետո դպրոցներում վաղաժամ արձակուրդներ կսկսվեն
Քաղաքականություն
20.03.2024 | 11:51
Բելգորոդի մարզի նահանգապետ Վյաչեսլավ Գլադկովը, որը հայտնել է Ուկրաինայի հետ սահմանին գտնվող որոշ բնակավայրեր մուտքի սահմանափակումների մասին, այսօր առավոտյան հայտարարել է Բելգորոդում վաղաժամկետ դպրոցական արձակուրդների մասին, փոխանցում է BBC-ի ռուսական ծառայությունը։
«Մենք որոշել ենք, որ մինչև այս շաբաթվա վերջ՝ չորեքշաբթի, հինգշաբթի, ուրբաթ, վաղաժամկետ կմեկնարկել արձակուրդները հանրակրթական հաստատություններում, այսինքն՝ սահմանամերձ վարչակազմերի, ինչպես նաև Բելգորոդի և Յակովլևսկի քաղաքային շրջանի դպրոցներում։ Քոլեջներում և բուհերում հեռավար ուսուցում է իրականացվում՝ առանց համալսարանական շենքերում ուսուցիչների ներկայության»,- նշել է նահանգապետը։
Չեղարկվում են նաև մշակութային հաստատություններում գործող մարզական խմբակներն ու ակումբները։
Հավելենք, որ վերջին շրջանում Բելգորոդը և Բելգորոդի շրջանն ամեն օր ռմբակոծվում են հրթիռային համակարգերով: Ուկրաինական կողմը պաշտոնապես չի մեկնաբանում այդ հարվածները։
