07.11.2026 | 15:06
ԱՄՆ-ն մինչև 20 մլն դոլար պարգևատրում է առաջարկում Իրանի միջուկային ծրագրի մասին տեղեկությունների համար
Յուլիա Նավալնայան կոչ է արել ամեն օր պայքարել ռեժիմի դեմ
Քաղաքականություն
19.03.2024 | 20:57
Ռուս ընդդիմադիր գործիչ Ալեքսեյ Նավալնիի այրին շնորհակալություն է հայտնել մարտի 17-ի կեսօրին Ռուսաստանի Դաշնությունում նախագահական անազատ ընտրությունների դեմ բողոքի ակցիայի մասնակիցներին, գրում է DW-ի ռուսական ծառայությունը։
«Դուք այնքան շատ էիք՝ խիզախ, ազատ, ազնիվ մարդիկ ամբողջ Ռուսաստանում, ովքեր եկել էին ընտրատեղամասեր՝ «Կեսօրին ընդդեմ Պուտինի» ակցիայի շրջանակում: Ես շնորհակալ եմ ձեզանից յուրաքանչյուրին», – ասել է Յուլիա Նավալնայան հրապարակված տեսաուղերձում:
Նրա խոսքով՝ Ռուսաստանի իշխանություններն ունեն «միլիարդավոր գողացված փողեր, բանակ և քարոզչություն», բայց չկա «սեր Ռուսաստանի հանդեպ, մեր երկիրը դեպի լավը փոխելու ցանկություն չկա»։
«Իսկ դուք ունեք, չվախենալով մարտի 17-ի կեսօրին գալ՝ դուք դա ապացուցեցիք, ոչ մի ահաբեկում կամ սպառնալիք չի գործել, դուք նրանցից ուժեղ եք»,- ընդգծել է նա։
Միևնույն ժամանակ, Նավալնայան կոչ է արել ՌԴ նախագահ Վլադիմիր Պուտինի հակառակորդներին հետևել ամուսնու հորինած բանաձևին՝ «օրական 15 րոպե պայքար ռեժիմի դեմ», անհրաժեշտ է «միավորվել և աշխատել այնպես, ինչպես երբևէ»:
«Ահա թե ինչ պետք է մեր խնդիր դարձնենք, ամեն օր գոնե այդ 15 րոպե ծախսեք՝ մի երկու տող գրելու, մեկի հետ խոսելու, մեկին համոզելու և, ի վերջո, սեփական վախը հաղթահարելու համար»,- հավելել է նա։
