27.04.2026 | 11:30
Աշխարհի գավաթ․ Դավիթ Չալոյանը՝ արծաթե մեդալակիր․ ՏԵՍԱՆՅՈՒԹ
Խուլիգանություն և ծեծկռտուք՝ վարորդի և ուղևորի միջև
16.03.2024 | 15:22
Մարտի 15-ին ՆԳՆ ոստիկանության Կենտրոնական բաժին հաղորդում է ստացվել, որ Ամիրյան փողոցի սուպերմարկետի մոտ վիճաբանություն է: Նշված հասցե բաժնից օպերատիվ խումբ և պարեկային կարգախումբ է մեկնել․ տեղեկացնում են ՆԳՆ ոստիկանությունից։
Ոստիկանները խուլիգանություն կատարելու կասկածանքով ձերբակալել և Կենտրոնական բաժին են տեղափոխել 34-ամյա մի կնոջ: Պարզվել է, որ վերոհիշյալ կնոջ և երթուղային ավտոբուսի 50-ամյա վարորդի միջև, կանգառում չկայանելու հետ կապված, վիճաբանություն է եղել, որի ընթացքում նրանք, բացահայտ անհարգալից վերաբերմունք դրսևորելով հասարակության նկատմամբ, փոխադարձ հարվածներ են հասցրել միմյանց:
50-ամյա վարորդը ներկայացել է ոստիկանության Կենտրոնական բաժին: Խուլիգանություն կատարելու հիմնավոր կասկածի հիմքով նա նույնպես ձերբակալվել է:
Ձերբակալված անձինք և կազմված փաստաթղթերը փոխանցվել են քննչական բաժին:
