23.06.2026 | 10:59
Հորմուզի նեղուցը կկառավարվի Թեհրանի կողմից․ ԱՄՆ-ի հետ կապի գիծ կստեղծվի․ Ղալիբաֆ
4 տարվա ընթացքում ավելի քան 52 հազար մարդ է հետապնդվել Էրդողանին և նրա կառավարությանը վիրավորելու համար
Քաղաքականություն
15.03.2024 | 22:44
Թուրքիայի դատախազությունն ավելի քան 52,000 հետաքննություն է իրականացրել անձանց նկատմամբ, որոնք մեղադրվում են նախագահ Ռեջեփ Թայիփ Էրդողանին կամ նրա «Արդարություն և զարգացում» կուսակցության կառավարությանը վիրավորելու մեջ 2019-ից 2022 թվականներին, գրում է Turkish Minute-ը։ Վիրավորանքների դեպքերը հիմնականում սոցիալական ցանցերում արված գրառումներ են։
Արդարադատության նախարարության տվյալների համաձայն՝ նախագահին վիրավորելը հետապնդվում է Թուրքիայի ՔՕ 299 կամ 301 հոդվածով՝ թուրք ազգին, պետությանը, հանրապետությանը կամ պետական կառույցներին վիրավորելը։
Լրատվամիջոցը նշում է, ու թեև Էրդողանը մարտի 10-ին արևմտյան Իզմիր նահանգում իր կուսակցության նախընտրական հանրահավաքի ժամանակ փորձել է իրեն ներկայացնել որպես «քննադատության համար բաց քաղաքական գործիչ» և ներկաներին հորդորել է «ճշմարտությունն ասել երեսին», պաշտոնական տվյալները հակառակն են ցույց տալիս։
Էրդողանին նախորդած նախագահների պաշտոնավարման ընթացքում ընդամենը 1716 վիրավորանքի գործ է հարուցվել։ Նախագահին վիրավորողին սպառնում է մինչև չորս տարվա ազատազրկում։
