17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Հռոմի ստատուտով ՀՀ ստանձնած պարտավորությունների կատարման ընթացքն Արա Մկրտչյանը ներկայացրել է Քրիստոֆ Զաֆերլինգին
Քաղաքականություն
14.03.2024 | 16:25
Արդարադատության նախարարի տեղակալ Արա Մկրտչյանն ընդունել է Նյուրնբերգյան սկզբունքների միջազգային ակադեմիայի տնօրեն պրոֆեսոր դոկտոր Քրիստոֆ Զաֆերլինգի գլխավորած պատվիրակությանը․ տեղեկացնում են ՀՀ ԱՆ-ից։
Փետրվարի 1-ից Հայաստանի Հանրապետությունը դարձել է միջազգային քրեական դատարանի լիիրավ անդամ: Արդարադատության նախարարությունը, լինելով ոլորտի քաղաքականություն մշակող մարմին, շահագրգիռ բոլոր գերատեսչությունների հետ ձեռնամուխ է եղել կանոնադրությամբ Հայաստանի Հանրապետության ստանձնած պարտավորությունների կատարումն ապահովելու նպատակով ներպետական օրենսդրությունում համապատասխան կարգավորումներ սահմանելու գործընթացին:
Արա Մկրտչյանը Քրիստոֆ Զաֆերլինգին է ներկայացրել ՄՔԴ-ով ստանձնած պարտավորությունների պատշաճ կատարմանն ուղղված քայլերը և հետագա ծրագրերի տեսլականը՝ կարևորելով միջազգային կապերի զարգացման համատեսքտում Նյուրբերգյան ակադեմիայի հետ գործընկերային կապերի հաստատումը:
Հանդիպմանը մտքեր են փոխանակվել Միջազգային քրեական դատարանի անդամակցության ճանապարհին Հայաստանի Հանրապետությանը խորհրդատվական, լավագույն փորձի փոխանակաման և այլ անհրաժեշտ աջակցություն ցուցաբերելու շուրջ։
Ավելի վաղ Արդարադատության ակադեմիայում մեկնարկել է «Միջազգային քրեական իրավունքի զարգացումը Հայաստանի Հանրապետությունում» խորագրով եռօրյա դասընթացների շարքը, որը նախատեսված է քննիչների, դատախազների և այլ իրավաբան մասնագետների համար:
