23.03.2026 | 10:33
Հայաստանի հավաքականը սկսել է հավաքը․ ՏԵՍԱՆՅՈՒԹ
Լևոն Քոչարյանը, Ալեն Սիմոնյանն ու ևս 13 հոգի կմեկնեն Ժնև
Քաղաքականություն
13.03.2024 | 09:47
Միջխորհրդարանական միության 148-րդ վեհաժողովին մասնակցելու համար 2024 թվականի մարտի 22-25-ը Ժնև կմեկնի Ազգային ժողովի նախագահի գլխավորած պատվիրակությունը։ Կազմում են ԱԺ նախագահ Ալեն Սիմոնյանը, փոխնախագահ Հակոբ Արշակյանը, ՔՊ-ականներ Հասմիկ Հակոբյանը, Արսեն Թորոսյանը, Ծովինար Վարդանյանը, ինչպես նաև Լևոն Քոչարյանը՝ ընդդիմադիր «Հայաստան» խմբակցությունից։ Այս մասին Factor.am-ը տեղեկանում է Ալեն Սիմոնյանի կարգադրությունից։
Պատվիրակության կազմում են նաև ԱԺ աշխատակազմի ղեկավարը, Ալեն Սիմոնյանի խորհրդականը, մամուլի խոսնակն ու աշխատակազմի ևս վեց աշխատակիցներ։
Գործուղման ճանապարհածախսը, օրապահիկը և ներկայացուցչական այլ ծախսեր կիրականացվեն պետական բյուջեի հաշվին։
Ուշագրավ է, որ Լևոն Քոչարյանի խափանման միջոց բացակայելու արգելքը փոխվել է մարտի 12-ին, կիրառվել է գրավ՝ 2 միլիոն դրամի չափով։ Սակայն Ալեն Սիմոնյանն արդեն մարտի 4-ին ստորագրված կարգադրությամբ Լևոն Քոչարյանին ներառել էր պատվիրակության կազմում։
Նարեկ Կիրակոսյան
